Galiza enfrontara-se a Palestina o 26 de Dezembro em Ourense

Passado um ano desde as jornadas que o nosso colectivo organizara em Compostela, nas que a Selecçom Galega jogara sem nengum tipo de ajuda por parte da Junta do PP e tampouco pola Federaçom de Futebol Galego, vemo-nos na obriga de voltar a ser nós, @s Siarei@s Galeg@s, @s artífices de que a Irmandinha saia ao terreo de jogo.

Durante este ano o feixismo espanhol, encarnado no PP e com a inestimável ajuda do PSOE, fixo bem os seus deveres avançando no desmantelamento do desporto galego: Rematar com os restos das selecções e os seus jogos internacionais, borrar do mapa ciclista internacional o “Xacobeo Galicia”, recortar miles de euros no desposto de base, pressionar para que os grandes clubes de futebol voltaram a empregar o castelam na sua publicidade e nos seus comunicados, etc. Enquanto, sobravam milhões de euros para trazer a David Meca a afogar ao Ulha, para promover com dinheiro público pantalhas gigantes, publicidade e primas a “La roja” ou para trazer ao Papa Ratzinger a Compostela. Vendo isto, já ninguém acredita isso de que a Selecçom Galega nom joga pola crise.

Desde Siareir@s Galeg@s seguimos a trabalhar, reconhecendo as nossas limitações, polo nosso objectivo. Este ano participamos dos convites que nos figerom centros sociais, organizações políticas, juvenis ou desportivas. Também contra-arrestamos a exaltaçom de espanholismo vivida nas ruas do país com motivo do mundial de Sudáfrica, com pintadas, cartazes e colantes. Organizamos actos comarcais e apoiamos algum amigável das nossas selecções em desportos minoritários, mas nom menos importantes por isso.

Agora que remata o ano é tempo de demonstrar que seguimos em luita igual que quando começamos, faz 14 anos. E igual que o ano passado organizaremos umhas jornadas polo nosso direito a existir no ámbito desportivo. Durante este mês de Dezembro realizaram-se diversos actos de apresentaçom e luita, dos quais informaremos na nossa web, que remataram o dia 26 em Ourense com o jogo entre Galiza e Palestina dentro dumhas jornadas nas que também se desputará o III Aberto de Bilharda da Autêntica, a actuaçom de Palhaços em Rebeldia, umha manifestaçom nacional e um concerto.

Sabemos do ambicioso das jornadas e por isso pregamos @s noss@s sóci@s que nos ajudem a espalhar as nossas actividades, colaborem e renovem o cartom anual de Siareir@s Galeg@s, e @s nom sóci@s que se animem a afiliar-se ao colectivo.

Estas som algumhas das actividades que temos confirmadas para este mês de luita:

– Sábado 18, C.S. Gentalha do Pichel (Compostela): Apresentaçom da campanha de SSGG e apresentaçom da campanha de BDS.
– Sábado 18, Café Auriense (Ourense): Apresentaçom do jogo Galiza VS Palestina.
– Domingo 26, Campo dos Remedios (Ourense): Bilharda, Galiza VS Palestina, manifestaçom nacional e concerto (Praça Magdalena).

UMHA NAÇOM, UMHA SELECÇOM!

This entry was posted in Comunicados. Bookmark the permalink.